5-a Azia Kongreso 2008: Ĉefa paĝo

Hejmpaĝo de FEB

Komentoj pri la retpaĝaro? Skribu al A. Giridhar RAO

La 5-a Azia Kongreso de Esperanto okazos en

En Bengaluro, 11-15 de februaro 2008

---

La Kongresurbo Bengaluro: la malnuno kaj la nuno

Mapo | La malnuno | La hodiaŭa Kongresurbo | La vetero kaj horzono | Loĝado | La Kongresejo

Mapo de Karnatako kun la urbo ĉefurbo Bengaluro

	La ĉefurbo Bengaluro Areo: 741 km² Alteco: 920m Popolnombro: 5.280.000 Popoldenseco: 7.126/km² Ĉefa lingvo: la kannada; nombro de denaskaj parolantoj: 35,3 milionoj Lingvoj ankaŭ parolataj: la anglan, hindian, tamilan kaj teluguan; kelkloke eĉ Esperanton! Bengaluru: anglalingva artikolo en la Vikipedio, kun multe da utilaj ligoj

Historieto. En la jaro 1120 p.K., Vira Ballala -- reĝo de la dinastio Ĉola -- regis la plej parton de suda Barato. Iun tagon li aventuris en la densan ĝangalon por ĉasi sovaĝajn bestojn. Sed li perdis la vojon. Vagante en la ĝangalo, li renkontis maljunulinon. Ŝi kompatis la reĝon lacan kaj donis manĝon. La manĝaĵo konsistis el boligitaj faboj. Por repagi ŝian afablecon, la reĝo konstruis urbeton tie kaj nomis ĝin Benda Kaluru, kiu signifas boligitajn fabojn. Poste en la jaro 1537, la loka estro, Kempe Gaŭda helpis pligrandigi la urbon laŭplane. Hodiaŭ, la centro de la urbo nomiĝas Kempe Gaŭda placo.

La Kongresurbo Bengaluro, la ĉefurbo de la ŝtato Karnatako, estas la plej rapide kreskanta urbego en Barato. Afabla klimato, amikema popolo kaj la kreskanta ekonomio de Bengaluro allogas popolojn kaj industriojn de ĉiu parto de la mondo. Jam antaŭ 50 jaroj, Nehru, la unua ĉefministro de Barato, nomis Bengaluron 'la urbo de estonteco'.

Bengaluro lokiĝas je alteco de 920 metroj (3018 futoj), la klimato do estas tutjare milda. La urbo famiĝas pro fabrikoj de flugmaŝinoj, horloĝoj, telefonoj, fervojradoj, eĉ spaccentro, kaj plej laste pro la vigla informteknologia industrio. La urbo kreskis ĉirkaŭ fortikaĵo konstruita en 1537. Bengaluro estas administra urbo de britoj ekde 1831 ĝis 1881. Poste ĝi estis redonita al la reĝo de Majsoro. La Universitato de Bengaluro estis fondita en 1964. Ankaŭ samjare la Universitato de Agrikulturaj Sciencoj estis fondita. La fama kaj prestiĝa Barata Instituto de Scienco estis fondita en 1909.

Bengaluro estas la ĝardenurbo de Barato kun siaj multaj ĝardenoj kaj bulvardoj. La Lalbag – La ruĝa ĝardeno – estis fondita antaŭ 200 jaroj! Bengaluro altiras multajn emeritojn, kiuj ĝuas la verdajn lokojn de la urbo. Bengaluro ankaŭ estas konata kiel la “Silikona valo” pro furora softvarindustrio; kaj pro multiĝo de la trinkejoj, Bengaluro nun estas ankaŭ urbo de trinkejoj!

Vetero: En februaro la maksimuma temperaturo en Bengaluro estas ĉ. 27˚C (80˚F) kaj la minimuma estas 15˚C (60˚F); la humideco estas 60%. Do, hela suno kaj malvarmaj noktoj. Portu puloveron kaj normalan vestaron. Barato havas nur unu tempozonon, 5,30 horojn antaŭ la GMT (UTC). Tiel estas, 14h00 GMT estas 19h30 en Barato.

Vojaĝplano: La bengalura flughaveno havas internacian alireblecon. Aziaj delegitoj de ekster Barato povas flugi rekte al Bengaluro de Singapuro aŭ Bankoko. Ankaŭ flugoj de eŭropaj landoj konektas al Bengaluro. La flugtempo inter Bengaluro kaj Delhio estas 150 minutoj; de Mumbajo (iama Bombajo) estas 70 minutoj kaj de Ĉenajo (iama Madraso) estas 40 minutoj.

Loĝado: Malĝojiga novaĵo estas ke Bengaluro estas unu el kelkaj multekostaj urboj en Barato. Sed LKK esploris divers-specajn malkarajn loĝlokojn en la urbo. Estas amasloĝejoj por tiuj kiuj volas tranokti malmultkoste. La tarifo estas inter 5 kaj 10 eŭroj nokte sen la matenmanĝo. Estas mezklasaj hoteloj, proksime de la kongresejo, kiuj kostas ĉ. 25 eŭrojn por persono por tago. La mantenmanĝo estas inkluzivita.

1. Oberoi, M.G.Road, Bengaluro. Kvinstela, verda etoso, centra lokiĝo. 160 ĉambroj. Bonega ĝardeno ĉirkaŭe. Unulita ĉambro: US$ 525, dulita: US$ 550. Kun matenmanĝo. Plus imposto 12%. http://www.oberoibangalore.com

2. The Chancery Pavilion, Residency Road, Bengaluro, kvinstela, centra lokiĝo, 234 ĉambroj, luksa etoso. Unulita/dulita ĉambro: US$ 160. Kun matenmanĝo. Plus imposto 12%. http://www.chancerypavilion.com/

3. President, Diagonal Road, Jayanagar, Bengaluro. Unulita ĉambro: US$ 80, dulita US$ 95. Kun matenmanĝo. Plus imposto 12%. http://www.presidenthotel.in/

4. Hotel Nandini, 4th Block, Jayanagar, Bengaluro. 26 ĉambroj. Unulita ĉambro (neklimatigita) US$ 40, dulita US$ 50. Klimatigita unulita US$ 45, klimatigita dulita US$ 55. Ĉiuj kun matenmanĝo. Granda librovendejo najbare! Plus imposto 12%.

5. Hotel Empire, 5th Block, Koramangala, Bengaluro. Dustela hotelo. Unulita, neklimatigita US$ 40, dulita, neklimatigita US$ 46. Klimatigita unulita US$ 45, dulita, klimatigita US$ 55. Ĉiuj kun matenmanĝo. Plus imposto 12%. http://www.hotelempireinternational.com/

6. Hotel Nandhana, 6th Block, Koramangala, Bengaluro. 48 ĉambroj. Kun matenmanĝo. Unulita US$ 90, dulita US$ 105. Plus imposto 12%. Ankaŭ eblas tranokti en la amasloĝejo, kiu kostas minimume 5 eŭrojn nokte. Sen matenmanĝo.

Se vi planas tranokti en la amasloĝejo bonvolu mendi tion. La amasloĝejo ankaŭ estas en malpli ol 3 kilometra distanco de la kongresejo.

La Kongresejo estas la konferencejo de la prestiĝa instituto NIMHANS, la Barata Instituto pri Mensa Sano kaj Neŭra Scienco, fondita en 1954. NIMHANS multe laboras en la kampo de neŭrologio kaj fiziologio de la cerbo. La kongresejo de NIMHANS estas loko por internaciaj eventoj tra la tuta jaro. Ĝi situas ĉ. 11 k.m.-ojn for de la bengalura flughaveno. La (anglalingva) retejo de NIMHANS

Poŝta adreso de la Kongresejo: NIMHANS Convention Centre, Hosur Road, Bengaluru 560 029, Karnataka, India

La Kongresejo NIMHANS en stratmapo de Google

La Kongresejo NIMHANS en satelita mapo de Google