Resaluton!
Post longega pauxzo, jen denove, Fenestro. Legu plurlokajn raportetojn en tiu cxi numero.
Nia unua raporto temas pri Indavizito -- nova iniciato de samlingvanoj el Tirupatio. Raportas pri tio, D-ro P V Ranganayakulu.
Raportetas deeksterlande pri sia aktuala vivo, D-ro Abdul Salam, la Prezidanto de FEB.
Ankaux de eksterlando, sed de pli proksime ol D-ro Salam, salutas nin amiko el Pakistano.
Kvankam mankas al ni raportoj de la alia landolokoj kie aktivas 'nia afero', ekzemple, la subsxtato de Okcident-Bengallando, jen raporteto pri tiu cxi subsxtato, pli gxuste, la nomosxangxo de la cxefurbo.
Nia kutima rubriko, La Verda Reto temas cxinumere pri la starigo de kunlabora reto kibera, la diskutgrupo Azia-Kunlaboro.
Kiel kutime, viaj kontribuajxoj, komentoj kaj sugestoj estas bonvenaj!
Mia Cxiutaga Vivo
D-ro Abdul Salam
Du misioj 'jogo kaj Esperanto' cxefaj kaj gravaj en mia vivo enkondukas min
suficxe bone. Per jogo mi povis dauxrigi mian sanon fizike, mense kaj anime,
tute normale. Kontraux la malfacilajxoj pro mia blindeco, mi sukcesis atingi
ekvilibron kaj harmonion en mia cxiutaga vivo.
Mi estas kontenta pri mia familia vivo. Mi edzigxis kun Gracy en 1961. La du filoj, Nischad kaj Remi, fartas bone.
Ekde 1967, mi agadas kun blindul- kaj handikapul-agadodgrupoj nacie kaj internacie por siaj evoluo.
Havante universitatajn diplomojn en la politikscienco kaj la lingvistiko, mi faris akademian kaj registaran laboron por preskaux 3 jardekoj en lingva esplorado kaj socia bonfarto.
Ekde 1979, kiam mi eklernis Esperanton, mia vivo sxangxigxadis iom post iom -- persone, profesie kaj socie. Dank' al mia elekto, en 1992, kiel nacia prezidanto de 'Federacio Esperanto de Barato', mi laboradas por disvastigi la Esperanto-movadon kaj nacie kaj internacie.
Por realigi mian revon vojagxi tutmonde - t.e. efektivigi kelkajn celojn -- dum la pasintaj 12 monatoj, mi logxas en Usono, kaj planas programojn ankaux en aliaj landoj. Usono estas la 17a lando kiun mi vizitis. Kio do estas miaj celo kaj programo?
Mi nun lernadis la teknikojn kaj teknologion kiuj helpas blindulojn efike agadi kaj uzi elektronikajn ilojn nome, parolantaj komputiloj. Pere de la retkomuniko, mi agadas internacie kun grandaj sukcesoj. Mi tute neniam memoras ke mi estas blinda, nek havas tempon por memori tion.
Dum la pasintaj 23 jaroj, mi povis partopreni en multaj lokaj kaj naciaj
Esperanto kongresoj, kluboj kaj kunsidoj en diversaj landoj. Tiuj inkluzivas
la Esperanto-jarcenton kaj Universalan Kongreson en Varsovio 1987, kaj la UK-o
en Tampere, Finlando en 1995; la ELNA-n nacian kongreson en Salt Lake
City, Usono 2001; kaj la monatan Esperanto-klubon de Hokkaido Esperanto League
en Japanio en 2001.
Tamen, la plej granda sukceso laux mi estas gvidi la Esperanto-movadon de FEB en pli ol 200 vilagxoj en la distrikto Pune en Barato. La kamparanoj havas nun eblecon por auxdi kaj auxskulti pri Esperanto kaj lerni la lingvon volonte. La Esperanto Komitato por Monda Solidareco Kontraux Malsateco en Francio estas unu internacia organizajxo el multaj kiu forte pripensas kunlaboradon kun mi por la ekonomia evoluo de la kamparanoj en Barato.
Mi estas lernanto cxiama. Ne lerni nur por memstaradi, sed ankaux pro gxuo kaj gxojo; alikaze estus vivi kaj morti kiel la bestoj kaj birdoj. Lernante mi sercxadas novajxojn kaj plibonigas miajn celojn kaj programojn sencxese.
Cxiu momento kaj tago sxajnas nova al mi; tial mi bone utiligas mian tempon. Cxirkau 5-6 horoj mi dormas, laboras dum la ceteraj 19 horoj. Prizorgi ankaux mian korpon, menson kaj animon signifas laboro por mi. Pensante pri la vivsignifo de la homo kaj homarismo, mi laboras cxiu tage. La medio estas la HELPO Fondajxo. La celoj estas disvastigi la mesagxon pri tuta sano (jogo) kaj tutmonda interpersona komuniko, tiel estas, Esperanto.
Nomosxangxo -- Calcutta :
Kolkata :: Kalkato :
Kolkato
Probal Dasxgupto
Pasintjare en Junio retleteris al mi Renato CORSETTI:
"probal: vi diris en via letero
> ... kolkato.
mi komprenas ke tiu formo estas lau' vi la preferinda por la nomo de
tiu urbego, c'u ne?"
Jen mia respondo:
dank' al iniciato de la grava bengallingva verkisto sunil gangopadhyay, ekde 1999 la oficiala anglalingva nomo de la cxefurbo de la barata sxtato okcidenta bengallando estas ne plu calcutta, sed latinliterigo de la bengallingva nomo, do kolkata. la sxangxon oficiale faris la sxtata parlamento k.s. nun do ni havas mumbai kaj ne bombay, kolkata kaj ne calcutta, cxennai kaj ne madras, en la sama regionisma reformatigo.sekve mi transiris de la esperantigo siatempe proponita de sadler kaj adoptita de j c wells, kalkato (kiun mi uzadis dum jardekoj), al la evidenta esperantigo de tiu nuna "kolkata". tial mi skribadas "kolkato" en esperanto.
ne pri persona propono mia temas, cxi-foje.
Indavizito 2001
P V RANGANAYAKULU
La estanta nombro de esperantistoj en tiu mondparto apenaux suficxas organizi
tian grandiozan programon! En la suda Barato la nombro de fluparolantaj
esperantistoj estas fingre kalkulebla. Sed, kelkaj esperantistoj en Andhra
Pradesh kaj Karnataka planis kaj organizis la Indan viziton inter la 4a kaj 11a
februaro 2001. Jen la brosxuro de
la evento. La turisma programo, cxizita por fremdaj esperantistoj okazis
lauxplane kaj kun granda sukceso. Kvar rusaj esperantistoj kaj du italaj
esperantistoj partoprenis la eventon. Eble la grandega tertremo en la sxtato
Gujarat [gugxarat] malhelpis aliajn 3 interesulojn partopreni. Esperanto Holidays, la
privata entrepreno, ekster la strukturo de la Federacio Esperanto de Barato,
organizis la tutan eventon.
La gastoj estis akceptitaj en la flughaveno de Cxennai (Madras) je la 3a de
Februaro kaj rekte zumis al Mamallapuram, marborda skulpartvilagxo. Mamallapuram
estis havenurbo de la Pallava dinastio antaux dekdu jarcentoj. La vizitantoj
restis unu tagon en la marborda ripozejo kun belega kaj mirinda skulptitaj
temploj cxizitaj el unu roko. De Mamallapuram la partoprenantoj pluvojagxis al
Tirupati, la plej fama hindua pilgrima urbeto sur 900-metra monteto en Andhra
Pradesh. Tirupati urbo estas konata kiel la urbo de sepmontoj, kien svarmas la
pilgrimoj en mirindaj nombroj cxiutage.
La vojagxo dauxris al Bangalore, la cxefurbo de Karnataka, ankaux konata kiel
la silikona valo de Barato. Ekde la tria tago Bangalore estis la centro de
turismprogramo. La vizitantoj povis viziti la majsoran palacon kaj trankokti en
la regxa gastejo je la plenluna nokto, konstruita el la marmora sxtono . La birdejo
Rangantittu sur la insuloj de la rivero Kaveri apud Majsore estis alia
kortusxa loko, kie la krokadiloj svarmis kaj la birdoj flugadis super. Ni povis
flosi sur la boato. Aliaj gravaj lokoj, kiujn oni vizitis, estis la Halebid kaj
Belur temploj. Tiuj cxi du temploj estas la nekredeble mirigaj sxtonartoj,
komparebla al neniu en la mondo. Sed apenaux fama pro la situo en ne tiel facile
alirebla loko. La lokaj esp-istoj bone studis la regionon por ke oni vizitu la
plej gravajn lokojn en mallonga tempo. La vizitantoj ankaux vizitis la galarion
pentrartan de Rerirch, la rusa pentristo. kaj la moderna kaj la antikvaj temploj
estis inkluzivitaj en la programo. La grupo ankaux cheestis tradician kulturan
festivalon.
La tura programo estis aparte interesa por la nebaratano cxar oni prizorgis
montri la veran baraton kun la esperanto fono. Tiel unuafoje Esperanto helpis la
fremdlandajn turistojn en Barato aprezi la kulturon de la lando pere de la
internacia lingvo. Esperanto Holidays planos tiajn pluajn vizitojn por
interesuloj estonte. D-ro
Ranganayakulu, la cxefa gvidinto kaj planinto de la
tuta programo esperas vojagxi la saman vojon estonte. Aliaj kunlaborantoj de la
programo estas s-roj Suresh (Bangalore), Suryaprakash
(Tirupati) kaj D-ro
Giridhar Rao (Hyderabad).
Bonvolu auxdi rekte de la partoprenantoj pri la programo je la jena adresoj. Ne estas gxentile lauxdi nin mem!
1. Giorgio Denti, Italio
2. Margherita Bracci Denti, Italio
3. Alexey Salamatov, Rusio
4. Marina Solovieva, Rusio.
5. Salnikov Boris, Rusio.
6. Salnikov Tatiana, Rusio.
Kaj post la sukceso de la unua programo, jen invito al la dua!
Estimata samideano
Salutojn. Vi estas bonvena viziti interesajn lokojn en Barato uzante Esperanton.
Unuafoje la esperantistoj en Barato planis kaj organizas la indaviziton al Barato por dek tagoj en Novembro.
Forgesu vian mondon kaj gxuu la tempon en Barato. Por pli da detaloj klaku http://geocities.com//msp_kash//rec.html
Kun bondeziroj
La organizantoj de la Indavizito
Tri artikoloj kiuj mencias Esperanton
Jawaid EAHSAN
En Majo, en la pakistana urbo Multan aperis tri artikoloj
nacilingvaj en cxiutaga jxurnalo en kiu mi menciis Esperanton. La unua aperis
je la 1a de Majo kun la titolo 'La Internacia Tago de geLaboristoj, Brila
stelo'.
La titolo de la dua estis '13a de Majo, Internacia Tago de Patrinoj'. Mi
menciis en tiu artikolo, ke mi legis pri tiu tago en reta reklamo kaj petis
pli da informo pri gxi per la esperanta diskutgrupo Landa-Agado. Claude
Nourmont el Francio kaj Stanislaw Mandrak el Pollando respondis al mia afisxo,
kaj donis la informon, ke oni festas la tagon je malsimilaj datoj en tiuj cxi
du landoj!
La tria artikolo mia aperis je '31-a de Majo, Internacia Tago Kontraux
Fumismo' en kiu artikolo mi liveris la posxtan adreson de la Tutmonda
Agado/Asocio de Esperantistaj Nefumantoj "TAdEN".
Cossy ROSARIO
Gxis nun, mi havas neniun en Mumbajo kun kiu mi povas paroli Esperanton - kaj neniu por instrui min. Aperas, ke mi estas la sola persono en la urbego, kiu lernas paroli nian lingvon. (Kluboj de Esperantistoj ekzistas en aliaj partoj de la nacio, sed ne, laux mia scio, en Mumbajo.) Tamen mi havas grandan kaj fortan intereson pri Esperanto.La unua rezulto de tiuj klopodoj estas ke mi nun povas pensi esperante pri
multaj aferoj en mia cxiutaga vivo. Ankaux, kelkfoje, mi songxas
esperante! Tiuj estas kauxzo de granda felicxo por mi.
La dua rezulto estas ke mia filino (kiu studas en kolegio, FYBA), vidante mian
entuziasmon, jxus komencis lerni Esperanton hejme, per mia helpo. Tiamaniere,
mi havos kunparolanton en mia familio. Mi ofte parolas al la familio
esperante, ecx se ili ne komprenas min! Mia edzino jam iom komprenas tiajn
parolajxojn. Restas nur unu, mia filo, kiu ne povas kompreni nian lingvon gxis
nun. Sed li estas tre inteligenta, kaj sendube tiam kiam mia filino flue
interparolas kun mi esperante, li ankaux lernos nian internacian lingvon. Du amikinoj miaj montras sian intereson. Mi esperas ke ili komencos lerni
baldaux. Mi esperas iutage komenci Esperanto-klubon per ilia helpo. (La
problemo estas ke en Mumbajo nek mi nek ili nek iu ajn havas tempon - ni estas
tiel okupitaj - tial mi studas kaj korespondas nur nokte, postnoktmeze!)
Interese, Esperanto klubo estas helpema, sed, moderntempe, ne nepre
bezonigxas. La interreto estas nia virtuala komunumo. Oni povas diskuti cxe
novagxgrupoj surrete, trovi skribgeamikoj, korespondadi, babili, k.t.p.
Oni esperas, ke cxiomaniere, la komunumo de parolantoj de nia kara lingvo
pligrandigxas en nia kara lando, Barato.
Por la "Free Esperanto Course" eposxti al Marko Rauhamaa cxe marko.rauhamaa@iki.fi
Oni povas aligxi al E-B-L cxe E-B-L-subscribe@yahoogroups.com
La "Gerda Malaperis" kurso trovigxas cxe http://garlic.aitec.edu.au/~bwechner/Documents/Esperanto/gerda.html
La Verda Reto: Azia-Kunlaboro
A Giridhar RAO
Lastatempe estis lancxita nova regiona iniciato, nome, la diskutgrupo Azia-Kunlaboro. La titolo estas memkomprenebla, kaj la grupo estas malferma al cxiu ajn kiu iel ajn volas antauxenigi 'nian aferon' en tiu cxi mondoparto. S-ro Jawaid Eahsan el Pakistano, S-ro Hamzeh Shafiee el Irano, kaj D-ro A Giridhar Rao el Barato kiberkunigxis, danke al gxentila pusxo tiudirekte de D-ro Renato Corsetti, la aktuala Prezidanto de UEA.
Por aligxi al la grupo simple sendu (ecx malplenan!) retmesagxon al azia-kunlaboro-subscribe@yahoogroups.com
Por sendi mesagxon: azia-kunlaboro@yahoogroups.com
Por malaligxi: azia-kunlaboro-unsubscribe@yahoogroups.com
Kaj jen la retpagxo de la diskutgrupo: http://groups.yahoo.com/group/azia-kunlaboro
Jen la komencaj kunlaborpunktoj sugestitaj de D-ro Corsetti
trovi almenaux unu aktivan listanon por cxiu lando (mi
pensas pri barato, nepalo, pakistano, irano kaj la centr-aziaj landoj
komenci interkonatigxi inter ni (kion ni jam faras)
komenci intersxangxi informojn pri la Esperanto-movado en la unuopaj landoj
komenci vidi kiel eblas kunlabori (per intersxangxo de revuoj, informiloj, kaj per vizitoj al la arangxoj de cxiu lando fare de la aliaj)
kiam la afero estos iom pli solida ni povos formaligi la
kunlaboron kaj peti la helpon de KAEM kaj UEA por difinitaj projektoj.
Kaj aldonaj sugestoj de S-ro Shafiee
Ek al la kunlabor'!
| D-ro
Renato CORSETTI Colle Rasto IT-00036 Palestrina Italujo |
D-ro A Giridhar RAO (por
helik-posxta kontakto, vidu la informon pri la Redakcio supren)
|
| D-ro Probal DASXGUPTO CALTS University of Hyderabad Hyderabad 500 046 India/Barato
|
S-ro Cossy ROSARIO Trejnisto pri amaskomunikiloj Mumbajo |
|
S-ro Jawaid EAHSAN Pakistano |
D-ro Abdul SALAM 5 Archana Corner Sahyadri Park Salunkhe Vihar Road Pune 411 048 Barato/India
|
| D-ro P V RANGANAYAKULU (por helik-posxta kontakto, vidu la informon pri la Redakcio supren) |
S-ro Hamzeh SHAFIEE Tehrano Irano |